Gúrkutíð Hildar

Hamingjan á næsta leyti

2007-06-27T22:53:00.000Z

Nú styttist óðum í Hamingjudaga á Hólmavík. Síðustu daga hef ég verið að undirbúa listasýningu Hamingjudaga ásamt henni Ingu minni. Í ár verður hún í ,,gamla kaupfélagshúsinu" sem hefur fengið hreint frábæra andlitslyftingu síðustu daga! Mjög spennandi dagar framundan og nóg að gera :o)

Á sýningunni sýna þessir listamenn:
Agnar Már Kristinsson frá Hólmavík
sýnir 10-15 blýants- og kolateikningar
Ásdís Jónsdóttir fjöllistakona á Hólmavík
sýnir 10 vatnslitamyndir
Bergur Thorberg
sýnir, selur og býr til kaffilistaverk www.thorberg.is
Einar Hákonarson listmálari
sýnir valin málverk www.einarhakonarson.com
Sandra María Sigurðardóttir listmálari
verður með sýninguna Sex www.sandramaria.net
Sýningin Kaldalón og Kaldalóns
á vegum Snjáfjallaseturs í Dalbæ á Snæfjallaströnd www.snjafjallasetur.is/kaldalon

Opnun listasýninga verður á föstudagskvöldið 29. júní kl.18:00. Boðið verður upp á hressingu og tónlistaratriði og eru allir hjartanlega velkomnir!

19. júní

2007-06-19T17:55:00.000Z

Konur - til hamingju með daginn :o) Vonandi gerðuð þið eitthvað skemmtilegt og uppbyggilegt!

Ég er bara heima og nýt þess að vera í sumarfríi með mínum þremur börnum; Agnesi, Tómasi og Brynjari. Við skundum í sund á hverjum degi, sleikjum sólina og undirbúum húsið fyrir málningu. Ég hlusta líka á Bubba - sem ég er alveg nýbúin að kynnast. Pési-Mjási er líka í sumarstuði í splunkunýjum pólóbol :)

Helsingin kaupunki

2007-06-06T14:52:00.000Z

Helsingin kaupungin kotisivut. Tietoa kaupungista ja sen tapahtumista.

Já við hjónaleysin erum á leið til Finnlands með minni yndisfögru mágkonu - Árdísi! Við förum út um miðjan júlí og dveljum þar í fjóra daga á Hótel Rivoli Jardin**** sem er í hjarta Helsinki. Systkinin ætla að fara að sjá "manninn" hennar Árdísar, Mr. Hetfield, og vini hans en þeir eru saman í rokkhljómsveit sem þeir kalla Metallica. Á meðan ætla ég að þeysast um með múmínálfinum á mótorbáti...

Sumar og sæla

2007-06-04T21:01:00.000Z

Jæja þá er ég búin að fá út úr öllum fögum vorannarinnar og er ótrúlega sátt við árangurinn 8,5, 8,5 og 9,0. Nú fer að styttast í annan endann á náminu og næsta vor útskrifast ég. Það er ekki slæmt þar sem ég er búin að fá stöðu sem grunnskólakennari í Grunnskólanum á Hólmavík næsta skólaár og er mjög lukkuleg með það :)

Tímarnir hafa örlítið breyst....

2007-05-22T19:38:00.000Z

.... eða verðmætamat að minnsta kosti!

Laugardagsmorgunn

2007-05-22T19:29:00.000Z

Hversu asnalegt er það að fá aldrei nein dagblöð né tímarit inn um lúguna? Meira asnalegt er það að fá Moggann frítt í mánuð og þá fylgja alls kyns blöð eins og Blaðið sem er jú dreift frítt inn á hvert heimili í landinu (eða svo er fullyrt)!

Allavega, þá var nú ótrúlega notalegt að skríða aftur upp í rúm í morgun, ein, með Moggann, þó svo að ég verði að sætta mig við að lesa fimmtudagsmoggann á laugardagsmorgni :) Á meðan voru strákarnir mínir að æfa hamingjulagið sitt sem þeir kalla Hólmavík er best!

Skelfilegt að heyra af atvinnumálum á Flateyri. 120 manns að missa vinnuna! Hvað gera bændur þá? Þetta er rosalegt fyrir byggðina, mikið áfall eftir að hafa náð sér á þokkalega á strik eftir snjóflóðið. Það er eins gott að þetta verði tekið alvarlega. Flateyringar eiga jú einn mann á þingi - kannski að hann geti haft einhver áhrif á framvindu mála? Hann hefur án efa fulla trú á Flateyri og hann kann að slá rækilega í ræðpúltið líkt og hann gerði til að mótmæla hækkun launa grunnskólakennara!

Frábært hjá Menntaráði Reykjavíkur að funda með nemendum grunnskólanna og fá þeirra sýn á skólamálin. Svona á að gera þetta - gera nemendur að virkum þátttakendum í menntakeðjunni. Meira af þessu.

Hversu vel þekkið þið mig?

2006-10-27T14:20:00.000Z

Takið prófið hér.

Brynjar Freyr orðinn 4 ára!!

2006-09-05T20:31:00.000Z

Nýjar reglur hjá Icelandair

2006-08-28T14:18:00.000Z

Eins og þið vitið þá er verið að herða mjög reglur hjá flugfélögunum til að koma í veg fyrir hryðjuverk. Icelandair munu vera að berjast fyrir ákveðnum reglum (sjá meðfylgjandiskýringamynd) til að koma í veg fyrir notkun leynivopna - og er gott að hefja aðlögun að þeim í næstu ferð !

2006-08-17T23:59:00.000Z

Ástfangin í þér

Ótrúlega flott lag og vel sungið! Maggi Eiríks klikkar ekki á því ;)

2006-08-13T20:00:00.000Z

Pælið aðeins í því að....

2006-08-13T19:54:00.000Z

... menntun er margslungnasta framleiðsluferlið sem maðurinn hefur mótað þar sem mannveran sjálf er dýrmætasta og fjölbreytilegasta hráefnið!

Värmlandsvisan - Ég vil fá mér kærustu

2006-08-13T18:41:00.000Z

Ég vil fá mér kærustu sem allra allra fyrst
en ekki verður gott að finna hana.
Hún skala hafa kinnar eins og hrútaber á kvist
og hvarmaljósin björt sem demantana.
Og hún skal vera fallegust af öllum innanlands
og iðin við að spinna og léttan stíga dans
og hún skal kunna að haga sér hið besta.

Þær eru flestar góðar ef að unnustinn er nær,
en oss þær eru vissar til að blekkja.
En ég vil fá mér eina þá sem ei við öðrum hlær,
sem elskar mig og bara mig vill þekkja.
Og hún skal líka finna bestu hugarró hjá mér,
ef húsi mínu færi hún iðni og dyggð með sér
og stóra fulla kistu bestu klæða.

Og ef ég svo í eina næ rétt alveg sem ég vil
þá óðara til brúðkaups skal ég feta.
Og sveitafólk mitt veislu fær sem vantar ekkert til
en vín og hrokafylli sína éta.
Og þar skal vera dans og drykkja daga þrjá í röð
hin dýra ást oss gjörir í hjörtunum svo glöð
en til þess verður ofurlitlu að eyða.

Sænskt þjóðlag. Ljóð: Jónas Jónasson frá Hrafnagili.

2006-08-12T15:01:00.000Z

Ég var að sækja fartölvuna mína úr viðgerð. Á tæpu ári hefur þessi hundrað þúsund króna gripur bilað tvisvar sinnum. Í fyrra skiptið fékk ég vírus eða orm í tölvuna og nú í það seinna fór harði diskurinn. Tölvan er vissulega í ábyrgð en ég þurfti að borga 20.000 kr. fyrir að ná gögnunum út úr henni og síðan þarf ég að setja inn hugbúnaðinn upp á nýtt með tilheyrandi kostnaði. Ég reyni í sífellu að sannfæra sjálfa mig um að ég fái mun betri tölvu fyrir vikið og í þetta sinn verða sett í hana öll þau forrit og þægindi sem ég óska mér. Samt sem áður setti ég traust mitt á eitt stykki tölvu og á tíma örvæntingarinnar var ég alveg viss um að tölvan héldi utan um allt mitt og nú væri það glatað!

Ég velti fyrir mér hvert stefni í slíku upplýsingasamfélagi sem við búum í? Mikilvægi þess að hafa aðgang að upplýsingum og kunnáttu til að vinna úr þeim hefur farið vaxandi að undanförnu og hefur það ákveðið notagildi fyrir ákvarðanir og velgengni einstaklinga hvort sem það er innan vinnunnar, skólans eða samfélagsins í heild sinni.

Nútíma samfélög standa frammi fyrir afleiðingum eigin verka því þróun tækniþekkingar er komin á það stig að maðurinn hefur þróað margvíslega tækni sem getur ógnað tilveru mannsins. Við erum ekki lengur hrædd við náttúruöflin, nú erum við hrædd við mennina. Það er ekki hægt að skella sér til London í helgar-skemmtiferð án þess að hugsa um hryðjuverk! Áður útrýmdu kuldaskeið, eldgos og pestir stórum hluta þjóðarinnar með reglulegu millibili. Það er nú ekki langt síðan náttúruöflin minntu á sig þegar snjóflóðin dundu á vestfirðina en þá ræddu menn um að almannavarnir hefðu brugðist og að skipulag byggðarinnar hefði ekki verið nægilega gott.... s.s. tækni mannanna klikkaði. Hvar endum við?

Ég og Alex litli

2006-07-26T13:38:00.000Z

2006-07-21T10:50:00.000Z

Vinnan bíður á meðan þú sýnir barni þínu Regnbogann, en Regnboginn mun ekki bíða á meðan þú vinnur.

Höfundur óþekktur.

Góða helgi!

2006-07-20T15:05:00.000Z

Á morgun ætlum við að skella okkur á ættarmót í Varmalandi í Borgarfirði. Þar hittast afkomendur langalangaafa míns og ömmu. Tómas kemur með okkur og þar hittum við m.a. mömmu og Ásgeir, Kristínu og Gísla og tjöldum saman. Það er alltaf ákveðin stemmning yfir því að fara í útilegu – sérstaklega þegar veðrið er svona gott :o)

Elsku besta Þorbjög mín á afmæli í dag og hjartans Sigrún mín á morgun. Til hamingju með 24 ára afmælin stelpur mínar!

Mér líður rosalega vel hérna á Hólmavík. Ég verð að viðurkenna að það var stórt skref fyrir mig að koma hingað aftur og ákveðinn kvíði sem fylgdi því. Ég er svo glöð með að vera komin aftur í íbúðina mína góðu og Brynjar nýtur sín svo hérna. Hann er úti allan daginn og langt fram á kvöld! Það eru sannkölluð forréttindi að geta kíkt í sveitina til afa í Steinadal og upplifa kyrrðina og þá ró sem því fylgir. Bara það eitt að fara út með þvottinn minn og hengja hann á snúruna og leyfa honum að sveiflast þar allan daginn í ferska loftinu gefur mér ótrúlega mikið! Skotti litli kisulingur er líka gleðigjafi og ég tala nú ekki um allt frábæra fólkið sem á heima hérna á Hólmavík. Ég er komin heim.

Að vera eða ekki vera....

2006-07-16T12:16:00.000Z

Til þess að láta sér líða vel og vera sáttur við sig og sína verðum við að vera. Það er mjög auðvelt að vera ekki en það er líka leiðinlegt og niðurdrepandi. Að vera býður upp á marga möguleika og það má í rauninni segja að allt sé mögulegt ef að sterkur vilji fyrir því er fyrir hendi.

Getur verið að við spennum bogann svo hátt að við höfum hreinlega ekki tíma til að vera? Hver ákvað það að við þyrftum að vera búin að ákveða framtíðina 25 ára? Þetta snýst e.t.v. um ákveðin gildi og viðmið sem eru við lýði í samfélaginu sem við búum í: ljúka menntaskólanum 20 ára, útskrifast úr háskóla 24 ára! Ekkert barn, eitt barn eða fjögur börn? Það er ótal margt í samfélaginu sem styður ekki fleiri en tvö börn en það er kannski einmitt þeir þættir sem ég þoli ekki – eða hvað?

Það er svolítið magnað að draumar mínir á Hólmavík eru gjörólíkir draumum mínum í Reykjavík. Getur verið að viðmiðin og gildin umturnist við að keyra 300 km? Hvaða hópi tilheyri ég? Kannski eigum við einmitt ekki að velta hlutunum svona fyrir okkur heldur bara synda með straumnum hverju sinni og taka einn dag í einu. Það er verst að dauðu fiskarnir fylgja líka straumnum...

Addi bloggar

2006-06-01T20:37:00.000Z

Weather is OK

Jaeja, vedrid hrokk í lag í dag. Byrjadi nú ekkert brjálaedislega vel, en sídan brast á med sól eftir hádegi. Vid skelltum okkur í saedýragardinn Mundomar og fylgdumst med hofrungum og saeljónum leika listir sínar, sáum lemúra, apa, ledurblokur, risastóra gullfiska, íkorna, og fullt af fólki. Tetta var bara virkilega gaman og vel tess virdi ad kíkja tarna... enda tók tad mest allan daginn.

Tegar vid komum heim á hótel um fimmleytid skelltum vid okkur í fyrsta sólbadid hér vid sundlaugina og vorum tar í um klukkustund - tangad til Brynjar var farinn ad skjálfa úr kulda eftir ad hafa synt í lauginni. Fórum svo út ad borda ádan og erum ad drepast úr seddi. Hildur og strákarnir sitja hér úti í gardinum og fylgjast med skemmtiatridum sem eru í gangi (Micheal Jackson er ad sýna tofrabrogd, vid litla hrifningu heyrist mér) og ég stalst hér inn til ad blogga og athuga hvort eitthvad sé fréttnaemt af Íslandinu góda. Svo var ekki sýndist mér, í fljótu bragdi.

+++

Svona ad lokum: Tad eru allir vid hestaheilsu og lítid brenndir eftir daginn. Axlirnar á Hildi urdu samt ansi raudar og hárlausasti hlutinn á mínum skrokki vard eldraudur eftir sólina (hofudid sem sagt). Tad er mikid gaman ad kíkja hér inn og sjá ad einhverjir hafa skilid eftir kvedju, endilega haldid tví áfram.Á morgun er planid ad halda kyrru fyrir ad mestu leyti fyrir utan einhverja smárúnta á hinum ágaeta bílaleigubíl sem vid erum med hérna, Seat Ibiza. Tad kemur okkur Hildi í opna skjoldu hvad ég fer létt med ad keyra hérna, en stadreyndin er sú ad mér sýnist umferdin hér vera mun rólegri en heima á Íslandi!
Hér bloggaði Addi kl. 19:54
postCount('114919233652686505');
Hvað finnst þér? (0) -->
31 maí 2006

Úrhelli

Tad vaeri haugalygi ad segja ad vedrid her a Benidorm leiki vid ferdalanga. Tvi fer nu aldeilis fjarri. Her hefur rignt i allan dag meira og minna og aukist heldur tegar lidid hefur a kvold. Yngri ferdalangarnir eru ad vonum vonsviknir med tessa vitleysu en spain segir reyndar ad tad eigi ad birta til a morgun og svo verdur kominn 25 til 27 stiga hiti a fostudaginn med glampandi sol. Hurra fyrir tvi!Keyrdum í austurátt í dag til Calpe, sem er torp skammt fra Albir. Tar er ognarmikill nahvitur klettur sem skagar ut i sjo og torpid er einstaklega snyrtilegt, alla vega midad vid tau sem eg hef sed her a Spani sem eru nu flest oll frekar drusluleg. Keyrdum lika upp i Altea Hills sem er einhvers konar rikra manna hverfi i snarbrattri hlid, mann sundladi bara vid ad horfa nidur.Fórum svo og profudum spaenska matargerdarlyst inni a stad sem ber nafnid McDonalds. Mér verdur alltaf hugsad til Morgan Spurlock tegar eg fer inn a tennan stad, en tad gleymist fljott tegar madur bragdar a ógedinu sem i bodi er. Svo er alltaf verid ad spila skelfilega leidinlega tonlist i ollum hljomtaekjum sem i bodi eru... mer finnst spaensk tónlistarmenning nú ekkert sérstaklega skemmtileg!

+++

Vid fórum oll í Mercanado supremarket ádan og keyptum okkur ýmislegt gott. Strákarnir fá alltaf pizzu í hvert mál ad eigin ósk, en vid Hildur fengum okkur nýbakad braud, paté, salami og svo fékk ég mér reyktan túnfisk sem er alveg ágaetur, svolitid eins og reyktur raudmagi... bara ekki jafn grófur.Strákarnir fengu líka ad kaupa sér dót og spil til ad hafa eitthvad fyrir stafni í rigningunni. Henni hlýtur ad fara ad slota. Um leid og tad gerist verdur farid í Aqualandia sem er svona vatnsskemmtigardur, Mundomar sem er sjávardýrasýning o.fl., Terra Natura sem er dýragardur og í hellings fleiri garda og svaedi sem ég man ekkert hvad heita. Tad verdur nu gaman. :o)+++Bid ad heilsa ollum heima a Islandi, vonandi er skemmtilegt vedur!
Hér bloggaði Addi kl. 18:12
postCount('114910000158602862');
Allt brjálað (5) -->
30 maí 2006

Spann... Albir

Erum komin a Albir Garden sem er hotel i smabae i nagrenni Benidorm. Flugid gekk vel og tad var hellirigning tegar vid lentum a flugvellinum i Alicante. Vid skotuhjuin hofdum akvedid ad taka bilaleigubil hja Solmar Car Rental... tad var sosum allt i lagi en kannski hefdi verid skynsamlegra ad fa um leid kort af Alicante. Villtumst samt ekkert ogurlega mikid, tetta tok svona 40 min. ad komast a retta braut. Mannhelvitid hja bilaleigunni sem sagdi okkur til faer tad otvegid tegar vid komum aftur tangad, hann benti okkur i kolranga att :) Tad er skyjad og solarlitid, en mjog heitt, 25 gradur. Vonumst eftir sma sol a morgun, tad er ekki alveg sundfaert i kalda vatninu i lauginni. Tomas og Brynjar skemmta ser mjog vel tratt fyrir tad og hlaupa her um allt. Her er allt trodfullt af Bretum en annars frekar litid af folki a hotelinu. Flugvelin var reyndar bara halffull syndist mer. Kannski er tetta ekkert byrjad fyrir alvoru her, rett eins og heima a Strondum.

Meira sidar!

Kosningar, flutningar...

2006-05-28T14:28:00.000Z

Ég vil byrja á því að óska J-listanum á Hólmavík til hamingju með sigurinn í kosningum á og með að hafa náð þremur góðum manneskjum í hreppsnefnd og þremur pæjum í vara-hreppsnefnd! Húrra fyrir ykkur.

Við Sonja þrifum íbúðina hátt og lágt í gær og það var ómetanlegt að fá svona hörkukvendi mér til aðstoðar. Ég held að tuskan ég orðin gróin við mig því að ég er búin að fara um eins og stormsveipur á Hofteignum líka. Sonja og Snorri voru svo elskulega að bjóða mér í kosningagrill-vöku og þau létu meira að segja renna í heitt bað fyrir mig og dekruðu við mig. Ástarþakkir fyrir allt saman!

Rosalega var gaman að heyra frá Þorbjörgu og Sölva í Svíþjóð. Ég vona að þið hafið það æðislegt þarna á lúxushótelinu og að ælupestin hafi orðið eftir í flugvélinni ;)

Addi, Tómas og Brynjar eru á leið til Reykjavíkur og eru búnir að koma búslóðinni okkar inn á Hólmavík. Þá er bara málið að skila Skipholti af okkur í fyrramálið og skunda upp á Leifsstöð og halda á vit ævintýranna! Hafið það gott á meðan.

Allt að gerast!

2006-05-27T11:22:00.000Z

Það er allt að gerast á þessum bæ. Við fluttum búslóðina okkar norður í gær og Addi og Brynjar fóru á eftir henni á gullvagninum hans pabba. Það var mikil vinna að pakka öllu og setja það í flutningabílinn og við gerðum það tvö ásamt bílstjóranum (við þurfum ekki að fara í ræktina út vikuna... árið :) Nú er ég á Hofteignum hjá mömmu og ætla að þrífa íbúðina í dag ásamt Sonju vinkonu.

Fimm einkunnir af níu konar í hús! 8.0, 8.5, 8.5, 8.5 og 9.5. Bara mjög lukkuleg með þær. Bíð spennt eftir hinum.

Addi hefur lokið síðasta deginum hjá Neyðarlínunni og er kominn í sumarfrí. Brynjar kvaddi leikskólann Nóaborg, krakkana og starfsfólkið með stæl í gær og virðist bara vera spenntur að flytja á Hólmavík (í bláa bangsímon-herbergið, til ömmu, afa í sveitinni og Skottu).

Á mánudaginn förum við síðan til Albir á Spáni. Við fljúgum til Alicante og tökum bílaleigubíl á flugvellinum og brunum þaðan fram hjá Alicante og Benidorm, klukkutíma leið til Albir. Þar tjekkum við okkur inn á hótelið Albir Garden og dveljum úi 12 daga. Við getum varla beðið og strákarnir eru svo spenntir líka.

WHY IT'S BETTER TO BE THE BOSS!

2006-05-16T13:27:00.000Z

4 jaxlar farnir!

2006-05-16T13:06:00.000Z

Búin að skila síðasta verkefninu mínu og er loksins komin í frí.

Ég var að koma heim úr endajaxlatökunni miklu og er nú laus við hvorki meira né minna en 4 stykki jaxla!! Munnurinn á mér er fimmfaldur og ég get varla kyngt og alls ekki talað.

Nú tek ég á móti sumri með gleði í hjarta, þrátt fyrir bólginn munn ;)

Ólík þessi stjörnumerki!

2006-05-14T20:33:00.000Z

Hvað þarf marga í hverju stjörnumerki til að skipta um ljósaperu?

HRÚTUR : Bara einn. Viltu gera mál úr því eða ?
NAUT: Einn, en reyndu að koma nautinu í skilning um að sprungna peran sé ónýt og að það sé best að skipta um hana og að það eigi síðan að henda henni.
TVÍBURI: Tveir, en þeir skipta aldrei um peruna-- þeir ræða í sífellu um hver á að skipta um hana, hvernig er best að skipta um hana og af hverju þarf að skipta um peruna !
KRABBI: Bara einn. En það tekur geðlækni þrjú ár að hjálpa krabbanum að komast yfir áfallið og í gegnum sorgarferlið.
LJÓN: Ljón skipta ekki um ljósaperur, en stundum fá umboðsmennirnir þeirra Meyju til þess að gera það fyrir þau á meðan þau eru úti.
MEYJA: Um það bil 1.000.000 með skekkjumörkunum +/- ein milljón.
VOG: Humm, tvær. Eða kannski eina. Nei, annars höfum það tvær. Ef þér er sama ?
SPORÐDREKI: Þessar upplýsingar eru algert leyndarmál og einungis deilt með >þeim Upplýstu í Stjörnusal hinnar Eldgömlu Reglu.
BOGMAÐUR: Sólin skín, dagurinn er ungur, allt lífið er framundan og þú ert inni, með áhyggjur af einhverri eldgamalli sprunginni peru ?
STEINGEIT: Ég eyði ekki tíma mínum í þessa barnalegu brandara.
VATNSBERI: Sko, þú þarft að minnast þess að allt í umhverfi okkar er hrein orka svo að.....
FISKAR: Ljósaperu? Hvaða ljósaperu?

Smá öpdeit.

2006-05-13T22:53:00.000Z

Ég er búin í prófum.

Mér finnst gríska lagið flottast í Eurovision og það danska (auðvitað). Finnska er áhugavert - en samt eitthvað svo off. Mér finnst eins og Ísland sé ekki með! Sjáum til hvernig þetta fer. :o)

Brynjar og krummi - sumarið 2004

2006-05-06T23:17:00.000Z

Í vinnslu..

2006-04-29T09:49:00.000Z

Morgunn, kvöld, nótt...

2006-04-26T15:53:00.000Z

Ég fór á alveg magaða listasýningu í dag á Kjarvalsstöðum. Verkið kallast Morgunn, kvöld, nótt.. og er eftir hjónin Ilya og Emiliu Kabakov. Ilya Kabakov hefur verið þekktur sem ,,faðir Moskvu konseptsins" og einn fremsti listamaðurinn sem kom frá fyrrum Sovétríkjunum. Síðan 1989 hefur hann starfað með eiginkonu sinni Emiliu að ævintýralegum innsetningum sem hafa heillað sýningargesti allra helstu listasafna heimsins.

,,Morgunn, kvöld, nótt..." er gríðarstór innsetning í þremur hlutum sem byggð er inn í austursal Kjarvalsstaða. Hún er eins og í kínverskri öskju þar sem er hólf innan af hólfi, þá birtist heimur hugarflugsins sem lagskiptur veruleiki sem þokast frá hversdaglegum ytri heimi inn að innsta kjarna töfranna. Verkið hefur áhrif á skynjunina og sendir hana í ferð með hugarfluginu á vit ævintýranna. Yndisleg upplifun alveg hreint. Ég ætla ekki einu sinni að reyna að lýsa þessu frekar. Drífið ykkur nú á listasafn - það hreinsar hugann en gefur manni ótrúlega og kyngimagnaða orku. Það er meira að segja ókeypis á söfnin á mánudögum...

Stelpukindin!

2006-04-24T13:14:00.000Z

Sú á eftir að gera allt vitlaust. Fáið nettan aulahroll hér.

Litla hetjan mín!

2006-04-18T22:56:00.000Z

Elsku Brynjar okkar er kominn heim úr aðgerðinni. Hann stóð sig eins og hetja og allt lítur vel út. Meira síðar.

Páskafrí

2006-04-12T11:37:00.000Z

Þá erum við skólafólkið komin í páskafrí. Tómas kom til okkar á föstudaginn og Brynjar er alveg í skýjunum með það! Við fórum í morgunverð á gulum degi í Nóaborg í morgun og Brynjar var klæddur gulu og kom heim með gulan páskaunga og bláan túlípana sem hann bjó til. Strákarnir eru duglegir við að dunda sér hér heima og við skjótumst í sund og í búðir inn á milli.

Ég er búin að taka að mér að vera með umsjón með listasýningum sem settar verða upp í Grunnskólanum á Hólmavík á Hamingjudögum þann 29. júní - 2. júlí n.k. Ég er strax byrjuð að skipuleggja og undirbúa sýninguna og hlakka mikið til að takast á við þetta verkefni.

Nú er bara málið að vera dugleg að læra og þrauka út apríl og miðan maí því eftir það eigum við skemmtilega ferð fyrir höndum og allt sumarið framundan.

Tómas okkar er kominn :o)

2006-04-07T18:34:00.000Z

Brún augu - takk fyrir!

2006-04-05T09:52:00.000Z

Þá er komið nóg af ferðalögum í bili. Við hjónakornin erum búin að fara norður á Strandir fjórum sinnum á þessu ári og núna um helgina skelltum við okkur í sumarbústað í Miðhúsaskógi með góðvinum okkar. Brynjar Freyr var hjá ömmu og afa á Hofteignum þannig að þetta var algjört dekur. Við fórum með Sonju og Snorra, Sigrúnu, Hödda og Þorbjörgu Ingu og það var einstaklega gaman - kæru vinir, ástarþakkir fyrir samveruna! :*

Ég var að koma með Brynjar frá augnlækni og það hefur verið tekin ákvörðun um það að litli maðurinn fer í augnaðgerð þann 18. apríl n.k. Það á að laga sjónskekkju í báðum augum og verður hann svæfður og skorinn á St. Jósefsspítala í Hafnarfirði. Ég verð nú að viðurkenna það að ég er svolítið kvíðin en Brynjar er svo duglegur og hraustur að þetta verður örugglega ekkert mál. Þegar við vorum að ganga út frá lækninum tilkynnti hann mér að hann ætlaði að fá brún augu í aðgerðinni! Þannig er að Jón Gísli föðurbróðir hans var hjá okkur í nokkra daga í síðustu viku þar sem hann var í laser-augnaðgerð ,,til að láta laga augun sín" og hann kom út með brún augu og engin gleraugu!

Það eru 54 dagar þangað til við förum til Spánar.

Brynjar lítur inn í fjárhúsin hjá afa...

2006-03-28T18:46:00.002Z

Englar

2006-03-28T16:03:00.000Z

Það var voða gott að koma heim í gær og knúsa litla strákinn minn eftir að hafa verið á Hólmavík í einn sólarhring. Brynjar er yfirleitt duglegur að fara að sofa og í gærkvöldi burstuðum við tennurnar og háttuðum og ég leyfði honum að hlusta á Línu Langsokk upp í rúmi. Eftir að hafa knúsað hann og kysst góða nótt bað ég guð og englana að passa strákinn minn í nótt. Stuttu síðar segir ungi maðurinn við pabba sinn; er nokkuð hurðin læst? Þessi elska hafði miklar áhyggjur af því hvort að englarnir kæmust ekki inn um læsta útidyrahurðina....

Ítalía með stelpunum

2006-03-24T17:13:00.000Z

Þá er æfingakennslunni formlega lokið. Við afhentum nemendum okkar bækur með verkefnum sínum og héldum smá kveðjustund með skúffuköku og svala. Viðtökukennaranum færðum við leikhúsmiða fyrir tvo og körfu fulla af góðgæti. Ég fékk í hendurnar eitt stykki mat og umsögn sem ég er meira en lítið sátt við!

Ég var að koma frá tannlækni (hef ekki farið í 3 ár) og hann fann tvær skemmdir (fyrstu skemmdirnar mínar) og tilkynnti mér að hann þyrfti að taka 4 endajaxla! Ég fer sem sagt í næstu viku og þar næstu viku og í allt kostar þetta rúmlega 70.000 kr - það kalla ég brjálæði fyrir utan tilhugsunina um stóra töng og sprautur þann 7. apríl þegar ég legg í endajaxlatökuna miklu :O

Í kvöld fer ég aftur á móti ásamt Köben-gellunum á veitingahúsið Ítalíu og hlakka mikið til að fá næði til að spjalla, borða góðan mat og drekka smá vínsopa :o)

I´m back!

2006-03-23T21:04:00.000Z

Góðan og blessaðan daginn!

Var að koma úr klippingu frá henni Selmu minni og bara voða glöð og ánægð með það. Nú fer vettvangsnámi mínu í Sjálandsskóla að ljúka en við Guðrún Dóra erum búnar að sjá um kennsluna hjá 1. og 2. bekk síðustu tvær vikur og það gengið ljómandi vel. Það er að sjálfsögðu brjálað að gera í skólanum og ég er nýbúin að skila 60 síðna kennsluverkefni og vinna þrjú stór verkefni og einkunnirnar 9.0, 9.5 og 10! Námið liggur mjög vel fyrir mér og mér finnst ég alltaf vera að læra eitthvað nýtt og gagnlegt. Ég er strax farin að skoða hvaða framhaldsnám ég ætla mér í haustið 2007 :)

Addi vinnur og vinnur, yfirleitt á 12 tíma vöktum og við sjáumst ekki mikið þessa dagana. Við hlökkum mikið til að komast norður í sumar í íbúðina okkar, rólegheitin og sveitaloftið.

Við erum búin að panta okkur ferð til spánar í sumar, nánar tiltekið til Albir – rétt við Benidorm. Við munum dvelja á Albir Garden í 12 daga með báða strákana okkar og stefnum að því að hafa það rosalega gott. Eftir það er það bara Hólmavík-City!

Við erum keppendur í Spurningakeppni Strandamanna í ár og erum komin í 4ra liða úrslit af þeim 12 liðum sem tóku þátt í upphafi. Síðasta kvöldið er á sunnudaginn þar sem við keppum við kennara Grunnskólans á Hólmavík og ætlum að sjálfsögðu að vinn´etta tremma í hel! ;)

Munið eftir Aðþrengdum eiginkonum í kvöld elskurnar...

Á leið norður...

2006-02-03T14:55:00.000Z

Nú er u.þ.b. fimmtu viku ársins að ljúka. Tíminn flýgur áfram og alltaf taka við ný og ný verkefni. Það er að sjálfsögðu nóg að gera í skólanum þar sem ég er að fást við ný og spennandi verkefni á hverjum degi. Ég er búin að vera í viku í áheyrn í Sjálandsskóla í Garðabæ og verð þar alla næstu viku. Sjálandsskóli er enginn venjulegur grunnskóli - þetta er opinn skóli með nemendum í 1. til 6. bekk. Við erum að tala um að 1.-6. bekkur eru saman í einu stóru rými - engir veggir í rauninni. Mjög athyglisvert og fróðlegt - meira um það síðar.

Tómas kom til okkar um síðustu helgi og var fram á mánudagskvöld. Við brölluðum ýmislegt saman og fórum í matarboð til foreldra besta vinar hans Brynjars. Þau voru svo elskuleg að bjóða okkur í mat og voru sannir höfðingjar heim að sækja! Við kíktum í Grímsnesið til pabba og Agnesar og hittum þar Geira, Ósk og börnin sem eru nýkomin frá Kanarý. Við ætlum að skella okkur norður á þorrablót á morgun. Brynjar verður eftir hjá ömmu og afa á Hofteignum og við gistum bara eina nótt.

Við vorum að fjárfesta í myndavél, engri venjulegri myndavél! Canon EOS 300D. Nú verður fyrst gaman að taka myndir :o)

Mér finnst bara eins og það sé komið vor, en ég læt ekki blekkjast.

Litli víkingurinn minn.

2006-01-21T14:44:00.000Z

Þessi víkingur borðar hákarl!

og syngur Þorraþrælinn hátt og skýrt.

Hann elskar að leika úti í snjónum....

og hjálpar mömmu og pabba að skafa af bílnum.

og rennir sér - vííí!

Loks kominn í heitan bílinn.

Fyrsta andlitsteikningin.

2006-01-15T22:09:00.000Z

ESSENS

2006-01-11T23:42:00.000Z

Á mánudaginn kíkti ég á sýningu á Kjarvalsstöðum í tilefni 120 ára afmælis listamannsins Jóhannes S. Kjarval – ESSENS. Á sýningunni mátti sjá tvö meginstef, eða essens, sem eru uppistaðan í lífsverki hans. Annars vegar landið eins og það kemur honum fyrir sjónir í allri sinni fjölbreytni og hins vegar lífið í landinu.

Það var mjög áhugavert að sjá þróun Kjarvals í myndlistinni og sjá þá þrjá meginpóla sem hann hefur tekið á ferlinu þ.e. landslag, fígurur og fantasía. Ég heillaðist sérstaklega af fantasíunni þar sem form og litir einkenna málverkin. Kjarval hefur að sjálfsögðu verið svolítill furðufugl og það er greinilegt að hann hefur tengst náttúrunni einstökum böndum þar sem hann lá nærri allt árið um kring í botnlausu tjaldi og skissaði upp myndir sínar.

Ég komst að því að sú mynd sem ég hafði dregið upp af verkum Kjarvals voru teikningarnar hans og lagni hans að leika sér að línunni og mynstri en komst að því að það er aðeins brotabrot af því sem einkennir verk Kjarvals. Það er í raun umhverfið hverju sinni sem hefur veitt honum innblástur og einkennast myndir hans af því. Vestursalur Kjarvalsstaða var t.d. helgaður landinu og mátti þar finna myndir m.a. frá Þingvöllum, Snæfellsnesi, Austfjörðum og nágrenni Reykjavíkur. Því hefur einmitt verið haldið fram, að í gegnum augu Kjarvals hafi Íslendingar lært að sjá land sitt í nýju ljósi.

Í verkum hans má sjá ólíkar birtingarmyndir hins raunverulega og hins skynjaða, þess sem hugurinn nemur, ekki síður en þess sem augað sér. Hann teiknaði og rissaði upp andlitsmyndir af því fólki sem á vegi hans varð, en margar teikninga hans eru fantasíur og endurspegla ævintýralegt ímyndunarafl listamannsins og frjóan huga í frjálsri og óheftri tjáningu. Ótalin eru þá myndskreytt fuglabréf og kort til vina og vandamanna, auk annarra viðfangsefna.

Ég hvet alla til að kíkja á Kjarvalsstaði á sýninguna ESSENS sem verður til 19. mars 2006.

300 þúsundasti íbúi landsins!

2006-01-09T15:44:00.000Z

Erla vinkona er búinn að eignast dreng og hann telst 300 þúsundasti íbúi landsins :o)

Mannfjöldaklukka Hagstofunnar sló 300.000 um klukkan 7 í morgun. Hagstofan segir að það þyki við hæfi að það barn, sem fæddist hér á landi sem næst þessum tíma, teljist þrjú hundruð þúsundasti íbúi landsins. Þetta er drengur sem fæddist á fæðingardeild Landspítala-háskólasjúkrahúss á sjöunda tímanum í morgun, sonur Erlu Maríu Andrésdóttur og Haraldar Arnarsonar í Reykjanesbæ. Hagstofan setti nýlega á vef sinn svonefnda mannfjöldaklukku í tilefni af því að íbúar landsins nálguðust 300.000. Talning mannfjöldaklukkunnar byggðist á stöðu íbúaskrár dag frá degi og raunverulegum og áætluðum fjölda fæðinga, andláta og skráninga á fólki sem fluttist til landsins og frá því. Halldór Ásgrímsson, forsætisráðherra, og Hallgrímur Snorrason, hagstofustjóri ætla að heimsækja drenginn og foreldra hans á fæðingardeildina á morgun. mbl.is

Innilega til hamingju Erla og Halli :o)

Einkunnir komnar í hús!

2006-01-04T22:30:00.000Z

Siðfræði 9.0
Þrívíð formfræði 9.0
Listir, menning og menntun 9.0
Leiklist í kennslu unglinga 9.0
Tvívíð formfræði 8.0
Leirmótun 8.0
Talað mál og framsögn 7.0

Gleðilegt ár - til sjávar og sveita.

2005-12-30T18:09:00.000Z

Gildi.

2005-12-27T11:11:00.000Z

Hvernig er best að ala börn upp? Hvenær er kominn tími til að slökkva á tölvunni? Hvenær er rétt að segja nei? Hvenær er rétt að segja já? Er allt gert af ást eða erum við eiginhagsmunaseggir dauðans?

Ég velti því fyrir mér hvernig best sé að bregðast við þegar börn henda nýja jóladótinu sínu í gólfið og brjóta það án þess að blikna. Það má alltaf kaupa nýtt dót. Er það eitthvað öðruvísi en þegar fólk skiptir um ,,línu" í innbúinu sínu? Hvað gerist þegar dagskráin er búin. ,,Ég veit ekkert hvað ég á að gera” ,,Það er ekkert að gera hérna”. Foreldrar keppast við að láta börnunum sínum líða vel en hvað er fólgið í orðinu vellíðan? Hvað skiptir máli og hvað ekki? Hvaða aðilar koma að málinu? Hvað er til ráða? Getur veröldin hringsnúist á 20 árum? Hvað vogaði ég mér að segja þegar ég var yngri; eða hvað vogaði ég mér ekki að segja. Hvernig geta gildin breyst svona? Eða hafa þau kannski ekkert breyst?

Bréf til jólasveinsins!

2005-12-27T10:41:00.000Z

A small boy wrote to Santa Claus: "Please send me a baby brother," the little boy requested very earnestly.

Santa wrote back: "Send me your mother..."

2005-12-26T16:24:00.000Z

Tómas með Kingkong hinn ógurlega.

2005-12-26T16:23:00.002Z

Bræðurnir hjálpast að við að opna pakkana.

2005-12-26T16:23:00.001Z

Brynjar svæfir bangsa litla, nýr bangsi - nýtt rúm!

2005-12-26T16:23:00.000Z

Tómas að bíða eftir jólasteikinni.

2005-12-26T16:22:00.002Z

Litlu herramennirnir.

2005-12-26T16:22:00.001Z

Gleðileg jól!

2005-12-26T16:22:00.000Z

Húsbóndinn á heimilinu sker jólasteikina.

2005-12-26T16:20:00.001Z

Svo stilltir og prúðir

2005-12-26T16:20:00.000Z

Fína jólatréð og pakkaflóðið!

2005-12-26T16:19:00.000Z

Brynjar að skreyta jólatréð.

Gleðileg jól!

2005-12-24T12:52:00.000Z

Bakþankar...

2005-12-19T23:25:00.000Z

,,Það tekur tuttugu mínútur að laga nær- og fjarsýni. Hversu æðislegt væri ef það tæki sama tíma að laga þröng- og skammsýni?"

Vernharður Þorsteinsson í Bakþönkum Fréttablaðsins þann 11.12.05.

Fjórði í aðventu.

2005-12-19T01:26:00.000Z

Skellti mér út á lífið í gærkvöldi með Adda, Árdísi og Þorbjörgu minni. Byrjuðum á því að sitja hér heima og drekka gin og tónik, hlusta á tónlist, spjalla og hlusta á Adda og Árdísi spila, syngja og skemmta okkur Þorbjörgu. Þau eru alveg frábær systkinin þegar þau taka sig til og heilluðu okkur alveg uppúr skónum... það er meira að segja búið að panta þau til að skemmta í júní!

Allavega þá löbbuðum við niður í bæ og byrjuðum á Dillon þar sem ég hitti Öglu frænku mína og Kalla hennar. Þar voru Addi Tryggva og vinir og við héldum síðan með þeim niður í bæ og kíktum á Grand Rokk og Dubliner. Góð stemmning - skemmtilegt fólk!

Eftir að hafa sofnað rétt fyrir klukkan sjö í morgun vaknaði ég um tólf og fór um íbúðina eins og óð kona, þreif, skúraði og skrúbbaði. Addi fór í Borganes og náði í Tómas sem er kominn til að vera yfir jólin. Við erum komin í nettan jólafíling og ég er búin að fá tvær einkunnir af sjö, 8 og 9.

Það er víst kominn fjórði í aðventu og því ætla ég að klára dæmið og kveikti á fjórða og síðasta aðventukertinu. Fjórða kertið er Englakertið, sem minnir okkur á englana sem fluttu fréttina um fæðingu frelsarans.

Desemberfasta er í kristnum sið hugsuð sem undirbúningstími fyrir fæðingarhátíð Frelsarans. Hún heitir á latínu adventus sem merkir "tilkoma". Af því er smíðað tökuorðið aðventa og var frá miðri 14. öld notað jöfnum höndum við jólaföstu sem jafnan stendur í elstu lagahandritum og kemur einnig fyrir í norskum fornlögum en vék þar að mestu fyrir aðventu.

4. vísa:
Við kveikjum fjórum kertum á;
brátt kemur gesturinn
og allar þjóðir þurfa að sjá
að það er frelsarinn.

Góðar stundir!

Svona nú - allir vera með!

2005-12-15T01:55:00.000Z

Settu nafnið þitt í commentakerfið og.....

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig.
3. Ég segi þér hvaða bragð/lykt minnir mig á þig.
4. Ég segi þér fyrstu ljósu minninguna mína um þig.
5. Ég segi þér hvaða dýr þú minnir mig á.
6. Ég segi þér hvaða celebrity þú minnir mig á.

.... og þið megið gera það sama á móti!

Þriðji sunnudagur í aðventu.

2005-12-11T16:54:00.000Z

Mikið að gerast hér á bæ. Tómas kom og var hjá okkur um helgina. Addi vann 8-20 alla helgina og prófin enn í fullum gangi! Hlakka svo til þegar þessu tímabili líkur...

Í dag er þriðji sunnudagur í aðventu og fræðslan heldur áfram.

Aðventukransar fóru ekki að vera almennir á Íslandi fyrr en eftir síðari heimstyrjöldina, fyrst birtust þeir sem skraut í einstaka búðargluggum og á veitingahúsum og breyddust hægt út en fóru að vera almennari á árunum 1960-1970.

Fasta fyrir jól var áður fyrr lögboðin, stundum miðuð við Andrésmessu 30. nóvember, en oftast fjórða sunnudag fyrir jól. Þaðan eru sprottnir aðventusiðir síðari tíma. Þegar fastað var í katólskum sið var ekki étið kjöt. Erfitt er að geta sér til um hvers vegna fastað var á þennan hátt, en það má ímynda sér að það hafi komið til vegna þess að haustslátrun var þá lokið fyrir nokkru og þá fékk fólk nægt nýmeti, og því tímabært að spara kjötbyrðir og hvíla meltingarfærin, og þegar komið er fram á þennan árstíma stóð fengitími yfir svo heppilegast var að þurfa ekki að slátra strax aftur.

Þriðja kertið er Hirðakertið, nefnt eftir hirðingjunum sem fátækir og ómenntaðir fengu fyrst fregnina góðu um fæðingu frelsarans.

3. vísa

Við kveikjum þremur kertum á
því konungs beðið er,
þótt Jesús sjálfur jötu
og stráá jólum kysi sér.

Síðast en ekki síst þá kemur fyrsti jólasveinninn, stekkjastaur til byggða í kvöld eða fyrramálið. Þannig að nú mega börnin ekki gleyma að setja skóinn sinn út í glugga í kvöld og vera extra stillt og prúð!

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

Hann vildi sjúga ærnar,
-þá varð þeim ekki um sel,
því greyið hafði staurfætur,
-það gekk nú ekki vel.

Jóhannes úr Kötlum

Próf.

2005-12-08T09:02:00.000Z

Nú ég aðeins hugs´um próf,
því ég verð að læra.
Eftir á verður mikið hóf,
er einkunn þeir mér færa.

Annar sunnudagur í aðventu.

2005-12-04T12:00:00.000Z

Þá höldum við fræðslunni um aðventuna áfram þar sem nú er kominn annar í aðventu.

Aðventukransinn á það sameiginlegt með flestu öðru skrauti sem er gert úr greinum sígrænna trjáa að hann er upprunninn í Þýskalandi eða norður Evrópu. Hið sígræna greni táknar lífið, sem er í Kristi. Hin logandi kerti benda til komu Jesú Krists hins lifandi ljóss.

Annað kertið er Betlehemskertið og heitir eftir fæðingarbæ Jesús þar sem ekkert rúm var fyrir hann.

Við kveikjum tveimur kertum á
og komu bíðum hans.
Því Drottinn sjálfur soninn þá
mun senda´ í líking manns.

Hafið það nú gott í dag.
Námsmenn lærið. Þú uppskerð eins og þú sáir.

Hanna Sigga í förðun og greiðslu...

2005-12-04T01:09:00.002Z

2005-12-04T01:09:00.001Z

Cool!

2005-12-04T01:09:00.000Z

Bye!

Ásbjörn Geirsson.

2005-12-03T22:17:00.000Z

Við Brynjar fórum í skírn í dag hjá syni Óskar og Geira. Drengurinn var skíður Ásbjörn og mér finnst það hæfa þessum unga herramanni afar vel. Eftir skírn kíktum við með Kristínu í heimsókn til Áróru ömmu þar sem við hittum mömmu og Ásgeir og Boggu frænku. Eftir það pikkuðum við Hönnu Siggu upp og hún kom til mín í greiðslu og förðun þar sem hún var að fara á jólahlaðborð. Engin smá gella þar á ferð :)

Í gær kíktum við á litlu prinsessuna hjá Hörpu og Hinna og fengum síðan systurnar Árdísi og Hönnu Siggu í mat um kvöldið.

Ég er að vinna verkefni sem ég á að skila á mánudaginn og Addi er í heimaprófi í 2 sólarhringa. Svaka stuð hér á bæ.

2005-12-03T17:52:00.001Z

Hanna Sigga beauty-queen!

2005-12-03T01:08:00.000Z

Litla mús Hinriksdóttir. Dóttir Hörpu og Hinna. 3ja vikna.
Litla jólamús Addason.

Ertu að verða náttúrulaus??

2005-12-01T15:10:00.000Z

Við erum á leið á tónleika í Laugardalshöll þann 7. janúar n.k.

Tilefni tónleikana er náttúra Íslands og umgengni okkar um hana. Með tónleikunum vilja listamenn og skipuleggjendur beina fókusnum að náttúrunni og að hún sé ekki sjálfsögð uppspretta raforkuvera eða álvera. Allir listamenn, skipuleggjendur og meirihluti annars starfsfólks gefur vinnu sína á tónleikunum. Ham, Damien Rice, Lisa Hannigan, Magga Stína, Múm, Sigur Rós, Hjálmar, KK, Rass, Björk, Ghostigital, Damon Albarn, Egó auk óvæntra uppákoma.

Ohhh hvað ég hlakka til!

Elísabet Heiða prinsessa!

2005-11-29T13:48:00.000Z

Við Brynjar vorum svo heppin að fá að passa prinsessuna hana Elísabetu Heiðu á fimmtudaginn á meðan Sigrún var í prófi og að læra undir annað próf. Hún kom til okkar um morguninn og við fórum með hana í vagni út á róló og í búðina að kaupa snúð. Hún var eins og engill allan tímann og Brynjar var ekkert smá góður við hana og virkilega hrifinn af henni. Hér er hann að gefa henni mjólk að drekka áður en hún tók fegurðarblund í vagninum sínum :)

Fyrsti sunnudagur í aðventu!

2005-11-28T22:31:00.000Z

Jæja þá er ég loksins komin niður á jörðina eftir Köbenferðina. Mikið var nú gaman og mikið sakna ég stelpnanna mikið. Það er einhvern veginn bara þannig að maður gefur sér aldrei tíma til þess að hitta aðra nema að það sé alveg þrælskipulagt! Hvernig stendur á því?

Við vorum að koma að norðan, enda var það skipulagt ;) Pabbi var svo góður að lána okkur jeppann og við brunuðum eftir skóla á föstudaginn með báða strákana okkar. Við gistum hjá Svönu og Nonna í tvær nætur og Jóni Gísla og Brynju í nótt en við höfðum íbúðarskipti við þau síðarnefndu. Mikið var nú gott að komast aðeins norður og hitta vini og ættingja og upplifa veturinn í allri sinni dýrð. Það að vakna og líta út um gluggann og horfa út á hafið í þvílíkum birtuskilyrðum og hlusta á fuglana kvaka og syngja er engu líkt!

Ég hitti vinkonur mínar þær Huldu Hrönn, Stínu Einars og Ingu Emils. Ásdís tengdamamma tók vel á móti okkur með ostum og tilheyrandi á föstudagskvöldið og bauð okkur síðan í ljúffengan lambahrygg með öllu tilheyrandi á laugardagskvöldið. Við áttum afar heimspekilegar og skemmtilegar umræður um lífið og tilveruna. Í gær kíktum við síðan upp í Steinadal til Gústa tengdapabba og í dag komum við við á Kirkjubóli. Við komum tvisvar við hjá Hrafnhildi og Hadda en þau voru ekki heima.

Víð kíktum til Lilla í Víkurtún 17 (íbúðina okkar) og sóttum smá hluta af jólaskrautinu okkar. Ég ákvað bara að taka lítið af því í bæinn, bara það allra helsta eins og jólatréð, aðventuljós, jólaóróana, kirkjuna mína og nokkra jólasveina. Ég á enn eftir að útbúa mér aðventukrans. Ég er að hugsa um að fara að ráði Þorbjargar vinkonu minnar og hafa hann einfaldan þetta árið. Ég mun þá kveikja á fyrsta aðventukertinu á morgun.

Hvernig væri nú að fræða ykkur aðeins um aðventuna í desember. Ég kenndi krökkunum í 2. bekk sitthvað um aðventuna fyrir jól í fyrra og komst þá að því að flestir kveikja á aðventukransinum án þess í raun að vita tilgang hans!

Aðventukransarnir eru eitt af augljósustu merkjum þess að aðventan er gengin í garð. Þau eru eitt það jólalegasta sem við setjum upp hjá okkur á jólaföstunni, og bera fjögur kerti, en logandi kertin merkja komu Krists og aðdragandann að henni. Fyrsta sunnudag í aðventu á að kveikja á fyrsta kertinu, á því næsta ásamt því fyrsta, annan sunnudag í aðventu og svo koll af kolli. Til er falleg vísa um kertin fjögur eftir Lilju Kristjánsdóttur sem gaman er að fara með þegar kveikt er á kertunum en nemendur mínir sungu einmitt þessar vísur og kveiktu á stórum kertum á jólaskemmtun Grunnskólans í fyrra.

1. vísa;

Við kveikjum einu kerti á,
Hans koma nálgast fer,
sem fyrstu jól í jötu lá
og jesúbarnið er.

Fyrsta kertið er Spádómakertið, það minnir á fyrirheit spámanna Gamla testamentisins, sem höfðu sagt fyrir um komu frelsarans, Immanúel Guð með oss. Þar hafið þið það!

Myndir frá Köben.

2005-11-20T11:42:00.000Z

Þorbjörg í jólatívolí!
Ég og Ragga á Rosie Macgee.
Við lestarstöðina í Köben.
Skál!
Ummm súkkulaðiís!
Svona lítur tivolíið út um jólin.
Stelpurnar að koma úr stóra rússíbananum!

Sex and the city!
Okey, hverjir eru þetta?
Já eða þessi?
Sonja og Ragga í góðum fíling.
Sumir klikka ekki á rétta taktinum!
,,Súlander" hinn mikli.
Við versluðum AÐEINS...
...... þurftum bara tvær innkaupakerrur undir góssið!
Skytturnar þrjár á Ráðhústorginu.
Bleiku gellurnar!
Í biðinni miklu á Leifsstöð.

Þessi er svolítið skrítin!

Allar þrjár saman, svaka gellur.
Þunnar? Nei er það nokkuð ;)
Sonjan og Ingaló.
Úti að borða síðasta kvöldið.

Sólheimaglottið hennar Sonju.
Sumir í góðum fíling á djamminu.
Já og aðrir í enn meiri fíling.
Waaazzz´up!
Hip hop queen.
Við að hringja í Iceland Express.... með rörum!
Knúsiknús.

Ragga og Sonja.
Dömurnar úti að borða á Firentze.
Ummm góður matur.
Ingaló stillt og prúð dama.

Ég get það nú alveg líka...
Leigubíllinn heim úr Fisketorvet (verslunarmiðstöðinni)
Á kaffihúsi í Fisketorvet.

Hressar á flugvellinum.

Danssýning á Nóaborg!

2005-11-18T22:01:00.000Z

Krakkarnir að bíða eftir að komast inn í salinn.

Best að byrja bara að dansa með hendur í vösum með grátandi vinkonu mér við hlið!

Jæja hér eru allir að vakna til lífsins. Latabæjardansinn og allir upp með hendur!

Krakkarnir voru svo duglegir að dansa fyrir mömmu og pabba.

Það má ekki gleyma ,,Súpermandansinum" sem allir ættu að kannast við. ,,Greiða sér um hárið" ,,Klóra sér á bakinu" ,,Spreyja undir hendurnar" ,,Fara á skíði" ,,Veifa höndunu" ---- SÚPERMAN!!!

Stjörnunótt.

2005-11-17T21:48:00.000Z

Mig langaði bara að benda á að Idolstjarnan okkar, hún Heiða, var að gefa út sína fyrstu plötu. Þorvaldur Bjarni Þorvaldsson stýrir upptökum á plötunni sem inniheldur bæði ný og gömul lög. Á plötunni má finna lag sem nefnist Stjörnunótt sem hann Addi minn samdi texta við.

Ég hvet alla að sjálfsögðu til að hlusta á plötuna, sem er þrusugóð, kaupa sér hana eða sækja hana á tónlist.is. Þið verðið allavega öll að hlusta á lagið Stjörnunótt, við textann hans Adda, en það er nr. 8 á plötunni og er hægt að nálgast það hér.

Ég er auðvitað rosalega stolt af mínum manni og ætla því birta textann hér með leyfi höfundar ;)

Stjörnunótt
höf texta: Arnar S. Jónsson.

Augun lýsa ljúfri þrá
og eldur logar hjarta í
í hverju skrefi sem ég tek
ég velti vöngum yfir því
að veröldin er ekki lengur eins og fyrr.
Allt í einu virðist mér sem tíminn standi kyrr.

Í gegnum stríð og gegnum frið
við göngum saman hlið við hlið
þó heimur gráti og hljótt sé allt
í hlýjunni er aldrei kalt.
Og það er engin þörf að búa í skugga
ef bjart er úti.

Chorus:
(Ég) Sé á himnum stjörnufjöld
og þær lýsa mér í kvöld
ég sé bæði svart og hvítt
og það kviknar eitthvað nýtt.
(Ég) Sé á himnum stjörnuher
sem í burtu aldrei fer
lýsir veginn fyrir mér
að nóttu.

Við leiðumst öll í anda og trú
á allt hið góða, hér og nú,
í ljósinu er heimsins hlíf
og horfnar sálir öðlast líf
því það er engin þörf að búa í skugga
ef lífið bíður.

Chorus:
(Ég) Sé á himnum stjörnufjöld...

Í huganum er heimur nýr,
í draumum okkar vonin býr.
Ljósin veittu líf og þrótt
(og) lýstu mér á stjörnunótt.

Á nýjum stað við nýjan geim
næturhúmið ber mig heim.
Ljósin veittu líf og þrótt
(og) lýstu mér á stjörnunótt.

Lýstu, lýstu, stjörnunótt!
Leiddu mig í ljósið fljótt.
Undraveröld, vinur minn,
veitist okkur hér um sinn.
Lýstu, lýstu, stjörnunótt!
Leiddu mig í ljósið fljótt.

Í huganum er heimur nýr
í draumum okkar vonin býr.

Ljósin veittu líf og þrótt
og lýstu mér á stjörnunótt.

Á nýjum stað við nýjan geim
næturhúmið ber mig heim.

Ljósin veittu líf og þrótt
og lýstu mér á stjörnunótt.

I love you Copenhagen!

2005-11-17T21:06:00.000Z

Þá er ég komin heim frá Danaveldi og er alsæl eftir frábæra ferð með þremur góðum vinkonum.

Föstudagur 11. nóvember.
Ferðin byrjaði nú reyndar ekki vel. Við fórum þrjár til Keflavíkur á fimmtudagskvöldinu og gistum heima hjá pabba sem var í N.Y. Við vöknuðum síðan um 04:00 og tókum okkur til og héldum upp á flugvöll og biðum fremstar í biðröðinni við ,,chek inn" til kl:05:00. Eftir það fengum við okkur morgunmat og kaffi á Kaffitári og versluðum síðan heilan helling í fríhöfninni eins og okkar var von og vísa. Um sjöleytið héldum við út í vél við gate 6 og komum okkur voða vel fyrir í fínu sætunum okkar - framarlega í vélinni. Við biðum í klukkutíma eftir að vélin færi í loftið en þá var okkur tilkynnt um bilun í bremsum vélarinnar og við beðnar að yfirgefa vélina. Ohhh svolítið pirraðar gengum við til baka inn í Leifsstöð. Við biðum frétta til kl.10:40, en þá var okkur tilkynnt að vélin færi í loftið kl.15:30!!! já 15:30, hálf fjögur!
Við tóku ansi pirraðir, sveittir og þreyttir 10 klukkutímar í Leifsstöð. En eftir þó nokkra bjóra, hvítvínsglös, hádegsiverð, enn meiri innkaup, kana og fleira héldum við á vit ævintýranna með vél Iceland Express til Kaupmannahafnar.

Við vorum síðan komnar á hótelið um kl.23, uppgefnar af þreytu og pirringi. Ég gat ekkert sofið í vélinni og var því búin að vaka í rúma 30 tíma. Þrátt fyrir allt rölltum við niður á Strik og kíktum á menninguna og fengum okkur Kebab.

Laugardagurinn 12. nóvember.
Við vöknuðum galvaskar eftir góða nótt í kóngsins Köbenhavn og beint í morgunverðarhlaðborð á hótelinu. Síðan var haldið í verslunarmiðstöðina Fisketorvet þar sem við vorum mættar fyrir opnun verslanna eða kl. 09:50! Þar vorum við síðan að versla til kl. 17! Geri aðrir betur. Já, já ég keypti auðvitað alltof mikið - en það var nú voða gaman ;)

Eftir það var bara tekin sturta og sjæn á hótlinu þar sem við áttum pantað borð á rosa fínum veitingastað, Firentze, um kl.19:30. Staðurinn var æðislegur og maturinn eftir því. Okkur leið voða vel og sátum þar fram eftir kvöldi. Síðar um kvöldið var haldið á tjúttið. Við fórum á Rosie Mcgee og vorum þar fram á nótt. Ég ætla ekkert að fara út í smáatriði varðandi það kvöld en drykkurinn var Gin og tónik og sú síðasta skilaði sér allavega fyrir kl.07:00, eftir svakaleg ævintýri og tilviljanir dauðans!

Sunnudagurinn 13. nóvember.
TÓMAS 7 ÁRA. Byrjaði á því að hringja í kútinn minn á Grundarfirði og óska honum til hamingju með daginn. Við vorum komnar á ról um hádegi (þótt ótrúlegt sé). Eftir góða sturtu var haldið niður á Strik þar sem við borðuðum á Mama Rosa. Það voru nú flestar verslanirnar lokaðar, en okkur tókst þó að finna nokkar sem voru opnar og styrktum þær að sjálfsögðu. Um kvöldið héldum við í jólatívolíið sem var hreint út sagt yndislegt! Þvílík jólastemning, jólagjögg og eplaskífur, heitt kakó og ristaðar möndlur. Það var bara allt jóla jóla, þvílíkar jólalýsingar og jólaskraut. Jólasveinninn nýtti sko aldeilis tækifærið og verlaði þarna og síðan keypti ég ótrúlega skemmtilega jólagjöf handa honum Brynjari mínum ;) Síðan skelltum við okkur í mat og drykk á Hard Rock.

Mánudagurinn 14. nóvember.
Síðasti dagurinn í Köben og auðvitað fórum við að versla! Við skelltum okkur niður á Strik í búðarráp, en fengum jú smjörþefinn af dönsku-strik-stemningunni. Við vorum vissulega spældar yfir því að hafa misst alveg heilan dag útaf þessarri seinkun þegar við komum, en gerðum bara gott úr því. Síðasta kvöldið fórum við síðan út að borða á skemmtistaðnum sem við djömmuðum á á laugardagskvöldinu og fyrir ótrúlega tilviljun vísaði þjónustustúlkan okkur á að setjast við sama borð og við sátum allt laugardagskvöldið. Það var alveg ótrúlegt, af öllum borðunum sem voru á staðnum.

Þriðjudagurinn 15. nóvember.
Heimferðin gekk vel í alla staði. 45 mín seinkun í þetta skipti, en það fannst okkur EKKI NEITT. Pabbi kom síðan og sótti okkur pæjurnar upp á völl og síðan héldum við allar til okkar heima.

Það var yndislegt að knúsa kallana mína aftur og finna litlar hendur leika um hár mitt. Nú er raunveruleikinn tekinn við á nýjan leik og grái hversdagsleikinn einhvernveginn svo yndislegur og kærkominn, (fyrir utan allan lærdóminn kannski sem liggur á mér eins og mara..) Ég sakna þó nærveru vinkvenna minna og er svo þakklát fyrir að eiga svona góðar og skemmtilegar vinkonur að. Ferðin var svo skemmtileg og ég kem til með að lifa á henni lengi og geyma þessar minningar í hjarta mér um ár og tíð.

Myndavélin mín brást mér illilega og ég verð að senda hana í viðgerð við fyrsta tækifæri, en gellurnar 3 tóku um 300 myndir úti sem þær ætla að brenna á diska fyrir mig og þá set ég hingað inn nokkrar góðar. Við ætlum að vera með myndakvöld um helgina ;o)

Nóg í bili.
Venlig hilsen.

Köben - here I come!

2005-11-10T19:29:00.000Z

Jæja, þá er komið að því! Ég er farin til Köben og verð í 5 daga. Þangað til næst - bless.

7 ára afmæli Tómasar

2005-11-06T19:37:00.000Z

2005-11-06T19:24:00.001Z

2005-11-06T19:24:00.000Z

2005-11-06T19:23:00.001Z

2005-11-06T19:23:00.000Z

2005-11-06T19:22:00.000Z

2005-11-06T19:20:00.000Z

2005-11-06T19:15:00.001Z

2005-11-06T19:15:00.000Z

Tímamót í lífi ungrar sálar.

2005-10-30T23:28:00.000Z

Helgin er búin að vera frábær í alla staði!

Á fimmtudaginn fór ég á fund með foreldraráði Nóaborgar. Þar var ég kjörin formaður foreldraráðs Nóaborgar 2005-6 og er bara mjög spennt að takast á við það embætti. Um kvöldið fór ég síðan út að borða með Köben-gellunum, Sonju, Þorbjörgu og Röggu á Oliver þar sem við hituðum okkur upp fyrir ferðina miklu.

Við Brynjar kíktum í kaffi til Kristínar á laugardaginn, alltaf jafn fínt að koma til þeirra. Ég kíkti í hið nýja Blómaval í Skútuvogi og hitti þar Hólmavíkurskvísurnar Stínu Sigmunds og Huldu Hrönn. Vegna mikils sparnaðar var ekkert verslað en búðin er æðisleg! Full af fallegum gjafavörum, jóladóti, skrauti, föndri, blómum, húsbúnaði og já bara öllu. Um kvöldið komu síðan mamma og Ásgeir til okkar í ,,ekta-homemade-kjötbollur" og Hulda kom síðar um kvöldið og við spjölluðum til kl.3!.

Í dag skelltum við okkur í húsdýragarðinn og kíktum á dýrin í þessum hræðilega kulda - brrr. Þar sáum við snæugluna Snæfríði sem virðist braggast vel í garðinum. Fyrir þá sem ekki vita þá fannst Snæfríður á Ströndum (sjá mynd að neðan). Ég tók mynd af henni fyrir hann Tedda minn, fyrrverandi nemanda minn, pabbi hans fann hana og ég var búin að lofa honum að fara að kíkja á ugluna og senda honum síðan myndir - sem ég ætla að sjálfsögðu að gera!

Við erum búin að vera að glíma við að láta Brynjar Frey hætta með snuð en aldrei tekist það alveg (alltaf verið of lin:/). Okkur finnst alveg vera kominn tími til að hann hætti alveg enda skilur ekki nokkur maður hann þegar hann talar með þennan tappa upp í sér.
Í sumar reyndum við að fá hann til að gefa litlum kálfi það í Húsdýragarðinum, sem hann gerði, en þegar heim var komið voru snuddur hér og þar í íbúðinni sem þýddi að hann hætti ekki með snuð.

Í dag gaf hann litla kálfinum aftur á móti snuðIN sín með það í huga að hann væri að hætta að nota þau, enda erum við búin að vera að röfla um þetta mikið síðustu daga. Við stálumst til að leyfa kusu litlu að prófa snuðið fyrir framan Brynjar og hann var alveg til í að leyfa henni að eiga snuðin sín þannig að við hengdum þau á þar til gerð Snudduhorn. Eftir það gengum við um garðinn og skoðuðum fleiri dýr og aldrei minntist ungi maðurinn á snuðin.

Brynjar byrjaði síðan að sjá eftir þessu um leið og við komum í bílinn, enda var hann orðinn dauðþreyttur greyið - en við vorum búin að gefa öll snuðin þannig að það var ekkert annað í stöðunni en að bíta á jaxlinn. Þegar heim var komið hófst mikil leit að snuði og grátur og söknuður sem endaði með því að hann fann eitt dótasnuð með blikkandi ljósum sem hann hefur aldrei viljað vera með, enda er það svona hart og algjört verslunarmannahelgar-dótadrasl.

Núna sefur engillinn minn, í rúminu sínu, með Lilla sinn og blikkandi drasl-dótasnuð uppí sér :) Þetta eru mikil tímamót í lífi hans enda búinn að eiga snuð síðan hann var klukkutíma gamall! Við foreldrarnir erum auðvitað rosalega stolt af honum og örlæti hans og ætlum að vera einstaklega umburðarlind og þolinmóð næstu daga í þeirri von um að hann verði ekki með verlsunarmannahelgar-dótadrasl-snuðið til þrítugs :)

2005-10-30T23:27:00.000Z

Snæfríður snæugla.

2005-10-30T23:26:00.000Z

Allt um snæugluna.

2005-10-30T23:25:00.000Z

Ungur maður að fylgjast með selum.

2005-10-30T23:24:00.000Z

Þeir höfðu það bara nokkuð gott þrátt fyrir mikinn kulda.

2005-10-30T23:23:00.001Z

Kusa litla áður en hún fékk dudduna...

2005-10-30T23:23:00.000Z

Brynjar á dráttavélinni. ,,Alveg eins og afi Jón Gústi!"

2005-10-30T23:22:00.000Z

Ætli hún vilji hana?

2005-10-30T23:21:00.000Z

Já!! Hún var bara rosalega glöð með snuð!

2005-10-30T23:20:00.000Z

Brynjar litli örláti hengir snuðin sín á Snudduhornin...

2005-10-30T23:18:00.000Z

Feðgarnir fylgjast spenntir með kusu litlu...

Nýjar myndir!

2005-10-29T10:05:00.000Z

Brynjar íþróttaálfur að horfa á Latabæ.

2005-10-29T10:01:00.000Z

Tómas að lesa eitthvað voða fyndið fyrir Hönnu Siggu.

2005-10-29T10:00:00.002Z

Gríman sem Tómas bjó til í heimsókn í Listgreinahúsi Kennaraháskólans.